കൊല്ലം: പൂയപ്പിള്ളിയിൽ നിന്ന് കാണാതായ വിദ്യാർത്ഥികൾ മരിച്ച നിലയിൽ.
പൂയപ്പള്ളി മയിലോട് ദേവനികേതം വീട്ടിൽ സുരേഷ് ബാബുവിൻ്റെ മകൾ ദേവനന്ദ (17 - വയസ്സ്) , അമ്പലംകുന്ന് ചെങ്കൂർ തെക്കുംകര വീട്ടിൽ നൗഷാദിൻ്റെ മകൻ ഷെബിൻഷാ (16-വയസ്സ്) എന്നിവരെയാണ്
ശാസ്താംകോട്ട കായലിൽ മരിച്ച നിലയിൽ കണ്ടെത്തിയത്.
ഇന്നലെ വെള്ളിയാഴ്ച രാവിലെ കായലിൽ പൊങ്ങിയ നിലയിലാണ് മൃതദേഹങ്ങൾ കാണപ്പെട്ടത്. വ്യാഴാഴ്ച്‌ച മുതൽ ഇരുവരെയും കാണാതായിരുന്നു. കൊട്ടാരക്കര ഓടനാവടത്തെ സ്കൂളിൽ ഹയർ സെക്കന്റ്റെറി വിദ്യാർത്ഥികളായിരുന്നു ഇരുവരും. മൃതദേഹങ്ങൾ ശാസ്താംകോട്ട താലൂക്കാശുപത്രിയിലേക്ക് മാറ്റി. മരണ കാരണം വ്യക്തമായിട്ടില്ല.
ഇന്നലെ വ്യാഴാഴ്ച മുതലാണ് സ്കൂളിൽ പോയ ദേവനന്ദയെ കാണാതായത്. തുടർന്ന് പെൺകുട്ടിയുടെ മാതാവ് പൊലീസിൽ പരാതി നൽകി. ഇതിനിടെയാണ് ഷെബിൻഷായെയും കാണാതായതായി വിവരം അറിയുന്നത്. തുടർന്ന് പൊലീസ് അന്വേഷണം ആരംഭിച്ചു. ഇന്നലെ മുഴുവൻ തിരച്ചിൽ നടത്തിയെങ്കിലും ഒരു വിവരവും ലഭിച്ചിരുന്നില്ല.
കൊട്ടാരക്കര ബോയ്‌സ് സ്‌കൂളിലെ പ്ലസ് വൺ വിദ്യാർഥിയാണ് ഷെബിൻഷാ. ഓടനാവട്ടം കെആർജിപിഎം സ്‌കൂളിലെ പ്ലസ് വൺ വിദ്യാർഥിനിയാണ് ദേവനന്ദ.
തെന്മല ഉൾപ്പെടെയുള്ള സ്‌ഥലങ്ങളിൽ കുട്ടികൾ എത്തിയതായി വിവരം ലഭിച്ചതിനെ തുടർന്ന് പൊലീസ് അന്വേഷണം തുടരുമ്പോഴാണ് ഇന്ന് രാവിലെ ശാസ്താംകോട്ട തടാകത്തിൽ മൃതദേഹം കണ്ടെത്തിയത്.
Tags:
വേർപാട്