കൊയിലാണ്ടി കാണാതായ മധ്യവയസ്ക്കനെ കുളത്തിൽ മരിച്ച നിലയിൽ കണ്ടെത്തി

കൊയിലാണ്ടി (കോഴിക്കോട്): മുചുകുന്ന് സ്വദേശിയായ മധ്യവയസ്ക്കനെ കുളത്തിൽ മരിച്ച നിലയിൽ കണ്ടെത്തി. മുചുകുന്ന് പുനത്തിൽ വളപ്പിൽ കുഞ്ഞമ്മദ് 

ആണ് മരിച്ചത്.

(52) _ വയസ്സായിരുന്നു.

മൂടാടി ഹിൽബസാർ മുഹ് യുദ്ദീൻ പള്ളിയ്ക്ക് സമീപമുള്ള കുളത്തിലാണ് മരിച്ച നിലയിൽ കണ്ടെത്തിയത്. ഇന്ന് രാവിലെ 9.30 ഓടെ പരിസരവാസികളാണ് കുളത്തിൽ മൃതദേഹം കണ്ടത്.

ഇന്നലെ വൈകീട്ട് മൂന്ന് മണിയോടെയാണ് മുചുകുന്ന് പുനത്തിൽ വളപ്പിൽ കുഞ്ഞമ്മദ്നെ കാണാതായത്. ഫോണും വാഹനവും ഒന്നും എടുക്കാതെയായിരുന്നു വീട്ടിൽ നിന്നും പോയിരുന്നത്. പ്രദേശത്ത് ബന്ധുക്കൾ തിരച്ചിൽ നടത്തിയെങ്കിലും കണ്ടെത്താനായിരുന്നില്ല.

തുടർന്ന് കൊയിലാണ്ടി പോലീസ് സ്റ്റേഷനിൽ പരാതി നൽകുകയായിരുന്നു. നിലവിൽ പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തീകരിച്ചു. മൃതദേഹം പോസ്റ്റ്മാർട്ടത്തിനായി കോഴിക്കോട് മെഡിക്കൽ കോളേജിലേയ്ക്ക് കൊണ്ടുപോയി.

ഭാര്യ - റഷീദ.

മക്കൾ - റസാഖ്, റഷീഖ്.