കോൺക്രീറ്റ് വേലിക്കല്ല് വാഹനത്തിൽ കയറ്റുന്നതിനിടെ മറിഞ്ഞ് വീണ് തൊഴിലാളി മരിച്ചു; ഉടമക്കും പരിക്ക്

കൽപ്പറ്റ (വയനാട്): കോൺക്രീറ്റ് വേലിക്കല്ലുകൾ വാഹനത്തിൽ കയറ്റുന്നതിനിടെ അപകടത്തിൽപ്പെട്ട് മധ്യവയസ്കൻ മരിച്ചു.

മടക്കിമലയിൽ ഇന്ന് രാവിലെ ഏഴരയോടെയായിരുന്നു അപകടം. മടക്കി മല പരേതനായ സുബ്ബണ്ണ ജെയിനിൻ്റെ മകൻ തനോജ് കുമാർ  ആണ് മരിച്ചത്.

(55) _ വയസ്സായിരുന്നു.

കോൺക്രീറ്റ് വേലിക്കല്ലുകൾ നിർമ്മിച്ചിരുന്ന സ്ഥലത്ത് വാഹനത്തിലേക്ക് കയറ്റുന്നതിനിടെ ചാരി വച്ചിരുന്ന കോൺക്രീറ്റു കാലുകൾ ദേഹത്തേക്ക് വീഴുകയായിരുന്നു. ഗുരുതര പരിക്കേറ്റ ഇയാളെ കൽപ്പറ്റയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കൂടയുണ്ടായിരുന്ന ഉടമ അബ്ബാസിനും പരിക്കുപറ്റിയിട്ടുണ്ട്. അബ്ബാസിനെ ആശുപത്രിയിൽ പ്രവേശിപ്പിച്ചു.