ആനക്കാംപൊയിൽ ബസ് അപകടം; മരിച്ചത് കണ്ടപ്പൻചാൽ സ്വദേശിനിയും,ആനക്കാം പൊയിൽ സ്വദേശിനിയും

കോഴിക്കോട്: തിരുവമ്പാടിയിൽ കെഎസ്ആർടിസി ബസ് പുഴയിലേക്ക് മറിഞ്ഞുണ്ടായ അപകടം രണ്ടു സ്ത്രീകൾ മരിച്ചു.

അപകടത്തിൽ കണ്ടപ്പൻചാൽ വേലംകുന്നേൽ വാസുവിന്റെ ഭാര്യ കമല (63) ആനക്കാം പൊയിൽ പടിഞ്ഞാറക്കര തോയിലിൽ ത്രേസ്യാമ്മ മാാത്യൂസ് (75) എന്നിവരാണ് മരിച്ചത്.

ഇന്ന് ഉച്ചയ്ക്ക് രണ്ടു മണിയോടെയാണ് അപകടം ഉണ്ടായത്. 45 പേരാണ് ബസിൽ ഉണ്ടായിരുന്നത്. ബസിൽ ഉണ്ടായിരുന്നവരെയെല്ലാo പുറത്തെത്തിച്ചു.

പാലത്തിൻ്റെ കൈവരി തകർത്ത് ബസ് പുഴയിലേക്ക് മറിയുകയായിരുന്നു. ബസിനടിയിൽ ആരും ഇല്ലെന്ന് സ്ഥിരീകരിച്ചു. ബസ് ക്രെയിൻ ഉപയോ ഗിച്ച് ഉയർത്തി നിർത്തിയിരിക്കുകയാണ്. സംഭവത്തിൽ അടിയന്തരമായി അന്വേഷണ റിപ്പോർട്ട് നൽകാൻ ഗതാഗതമന്ത്രി കെ ബി ഗണേഷ് കുമാർ നിർദേശം നൽകി.