എറണാകുളത്ത് ബൈക്കുകൾ കൂട്ടിയിടിച്ച് കാഞ്ഞിരമറ്റം സ്വദേശികളായ യുവാക്കൾ മരിച്ചു

കൊച്ചി (എറണാകുളം): ആമ്പല്ലൂരിൽ ബൈക്കുകൾ കൂട്ടിയിടിച്ച് രണ്ട് പേർ മരിച്ചു. 

കാഞ്ഞിരമറ്റം സ്വദേശികളായ റമീസ്, മനു എന്നിവരാണ് മരിച്ചത്. ഇവർ രണ്ടുപേരും ഒരു ബൈക്കിലാണ് സഞ്ചരിച്ചിരുന്നത്. ഗുരുതരമായി പരുക്കേറ്റ അലൻ സോജൻ എന്ന യുവാവ് സ്വകാര്യആശുപത്രിയിൽ ചികിത്സയിലാണ്. 

മനുവും റമീസും സഞ്ചരിച്ചിരുന്ന ബൈക്കും അലൻ സഞ്ചരിച്ച ബൈക്കും ആമ്പല്ലൂർ പുതിയ പഞ്ചായത്തിന് സമീപമാണ് കൂട്ടിയിടിച്ചത്. 

പരിക്കേറ്റ മൂന്ന് പേരെയും ഉടൻ ആശുപത്രിയിൽ എത്തിച്ചെങ്കിലും രണ്ടു പേരുടെ ജീവൻ രക്ഷിക്കാനായില്ലെന്ന് പോലിസ് അറിയിച്ചു.