വയനാട്ടിൽ ഓട്ടോ മറിഞ്ഞ് അപകടം; രക്ഷിതാക്കളുടെ മടിയിലിരുന്ന രണ്ട് വയസുകാരി വാഹനത്തിനടിയിൽപ്പെട്ടു മരിച്ചു

വയനാട് സുൽത്താൻ

ബത്തേരിയിൽ ഓട്ടോറിക്ഷ മറിഞ്ഞുണ്ടായ അപകടത്തിൽ രണ്ട് വയസുകാരിക്ക് ദാരുണാന്ത്യം. 

നായ്ക്കട്ടി പിലാക്കാവ് ഊരാളി ഉന്നതിയിലെ രാജേഷ് - സുമ ദമ്പതികളുടെ മകൾ രാജലക്ഷ്മ്‌മി ആണ് മരിച്ചത്. ഇന്നലെ രാവിലെ എട്ടോടെ സുൽത്താൻബത്തേരി കോട്ടക്കുന്നിന് സമീപമാണ് അപകടമുണ്ടായത്.

നായ്ക്കെട്ടിയിൽ നിന്ന്

സുൽത്താൻബത്തേരി നഗരത്തിലേക്ക് വരുന്നതിനിടെ കോട്ടക്കുന്നിൽ വെച്ച് ഓട്ടോറിക്ഷ യു ടേൺ എടുക്കുന്നതിനിടയിൽ നിയന്ത്രണം വിട്ട് മറിയുകയായിരുന്നുവെന്നു. രക്ഷിതാക്കളുടെ മടിയിലിരുന്ന കുട്ടി വാഹനത്തിനടിയിൽപ്പെടുകയായിരുന്നു. ഇരുളത്തെ ബന്ധുവീട്ടിലേക്ക് മാത പിതാക്കൾക്കും സഹോദരങ്ങൾക്കുമൊപ്പം പോകുന്ന വഴിയായിരുന്നു അപകടം. അർജുനൻ, രാജേശ്വരി എന്നിവർ

സഹോദരങ്ങളാണ്.