നിലമ്പൂരിൽ വാഹനാപകടം; ബൈക്കും ബസും കൂട്ടിയിടിച്ച് യുവതിയും യുവാവും മരിച്ചു

മലപ്പുറം : നിലമ്പൂർ കരിമ്പുഴയിൽ വാഹനാപകടത്തിൽ രണ്ട് മരണം. ബൈക്കും ബസും കൂട്ടിയിടിച്ച് 

ബൈക്ക് യാത്രക്കരായ മുട്ടിക്കടവ് മുരളി മന്ദിരത്തിലെ അമർ ജ്യോതി(29), ബന്ധുവും കണ്ണൂർ സ്വദേശിയുമായ ആദിത്യ എന്നിവരാണ് മരിച്ചത്.

ഇന്നലെ രാവിലെ 10.45-ന് കരിമ്പുഴ ടാമറിന്റ്റ് ഹോട്ടലിന് സമീപമാണ് അപകടമുണ്ടായത്. 

നിലമ്പൂരിൽ നിന്ന് വഴിക്കടവിലേക്ക് പോവുകയായിരുന്ന സ്വകാര്യ ബസും ബൈക്കുമാണ് കൂട്ടിയിടിക്കുകയായിരുന്നു.

ബസ് ബൈക്കിനെ മറികടക്കാൻ ശ്രമിക്കുന്നതിനിടെയാണ് അപകടമുണ്ടായത്. ബൈക്കിന്റെ നിയന്ത്രണം വിട്ടതോടെ ഇരുവരും ബസിനടിയിലേക്ക് തെറിച്ചുവീഴുകയായിരുന്നു. അമർ ജ്യോതി സംഭവസ്ഥലത്തുവച്ച് തന്നെ മരിച്ചു. 

ഗുരുതരമായി പരിക്കേറ്റ ആദിത്യയെ ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹങ്ങൾ നിലമ്പൂർ ജില്ലാ ആശുപത്രിയിൽ സൂക്ഷിച്ചിരിക്കുകയാണ്.